حماتي بتتجاهلني

قابلت حماتي مرتين لحد دلوقتي اول مره كانت مامتي معايا اتعرفنا عليها اول م شوفتها سلمت عليها و لما قعدنا حاولت اكلمها لكن كانت متجهلاني تماما كانت مركزه مع مامتي بس حتي بقولها اني مبسوطه اني شوفتك مردتش عليا رغم اني عدت الكلمه ٣ مرات ولما بتكلم بتتجاهلني جدا مش بترد عليا ولا بتبصلي ولا بتوجهلي كلام ابدا
وقتها قولت عادي يمكن مش واخده بالها 
مره تانيه كنا رايحين نشوف الشقه اول لما شوفتها انا كنت راكبه قدام نزلت من العربيه سلمت عليها مدت ايدها بس قربت علشان ابوسها بمنتهي التلقائيه كانت بتبعد قولتها ازيك يا طنط عامله ايه قالتلي الحمدلله مسألتنيش حتي ازيك و فتحت هي الباب قعدت قدام اول لما ركبت قالت لخطيبي انت نزلتني من غير م الحق اكل رغم اننا كنا متفقين علي المعادمن بدري روحنا الشقه مبصتليش ولا مره ولا سألتني عن رأيي متكلمتش معايا خالص اننا بيتنا قريب من بعض قالت لخطييي يمشي من مكان معين علشان نعدي علي بيتها الاول و تمشي هي لما جت تنزل سلمت علي اختي وعلي مامتي وانا قولتلها سلام يا طنط مرتين مردتش عليا بتعاملني بمنتهي التجاهل كأنها مش شايفاني رغم انها قالت عليا اني حلوه و محترمه بس طبعا مش معايا مع بنتها 

ده كده عادي ولا معناه ايه ولا المفروض اتعامل معاها ازاي
تعديل
انا علاقتي بيه كويسه و هو بيشاركني كل حاجه و مش بيحكلهم حاجه و كانت بتضايق كتير ان هو بيحكيلي و مش بيقولهم و بتقوله عليا اني سحراله اني لما قابلتها اول مره انا وماما قعدت تتكلم مع ماما كتير و تحكيلها حاجات في حياتها مقالتليش غير انتي متخرجه من كلية ايه و جامعة ايه غير كده موجهتليش كلام خالص اول مره انها عندها تكبر واحنا بنشوف الشقه ماما بتقول البلكونه هنا فيها هوا ردت قال طبعاا منا شاريه الشقه بحري وانتي فكراني شاريه اي حاجه وخلاص انا عارفه انا بشتري ايه 
الفكره ان انا وهو بنحب بعض انا بس مش عارفه اتعامل معايا ازاي !