بنات جوزي
انت في الصفحة 1 من صفحتين
أنا اتجوزت وبعد جوازي بسنه جوزي الله يرحمه ماټ هو كان متجوز ومعاه بنتين عمرهم سنتتين م زوجته الأولى وهيا سابتهم له واتجوزت اهله مبيحبوش البنات ولا خلفتهم وكانوا بيعاملوا البنات أسوأ معامله لدرجة انه امه كانت بتدعي عليهم وتقولي لو جبتي بنت مشوفش وشك ف البيت وتدعي عليا تقولي يارب لو مش هتخلفي ولد تطلعي مبتخلفيش احسن وفعلا والله بعد 3 شهور كشف ومتابعه مع دكاترة كتير ومكنش فيه سبب واضح لمنع الخلفه لا عندي ولا عنده إلا أنه فعلا حصل ومخلفتش وجوزي توفاه الله.
انا وحيده ومليش حد بعد أبويا الله يرحمه خدت الاولاد وروحت عيشت ف بيت ابويا الله يرحمه ولا امهم سألت عليهم ولا أهل والدهم كنت بعتبرهم عيالي وكان نفسي يبقي ليا حد ف الدنيا بعد أبويا وامي الله يرحمهم وعيشت 22 سنه بشقي وبتعب عشانهم كنت بحرم نفسي عشان مخلهمش محتاجين حاجه علمتهم تعليم كويس واحده خريجة هندسه وواحده صيدلانيه كان اي حاجه بيطلبوها كنت بديهم عنيا قبلها مخلتش واحده فيهم تشتغل ولا ف يوم حسستهم بالنقص او انهم اقل م حد كنت بطمن لما كنت بشوف حنيتهم وخوفهم عليا كنت بقول زرعت وحصدت ويارب كانت نيتي رعاية أيتام يكونوا سبب ف دخولي الجنه وان كان أجرك ليا ف رعايتهم هو حبهم ليا ف انا مش عاوزه اكتر م كده.
