انا هتجوز ابنك يعني هتجوز ابنك للكاتبة فاطمة علي
ههزر معاه تانى انسان لزج اصلا
يخربيت طولة لسانك الى اطول من برج القاهرة
صباح الخير يا حبيبى
صباح الفل يا طنط
صالحها يابنى هتخلص على الرز بلبن بتاعك الى عملهولك
انتى يا سفاحه ولا باين عليكى الاكل الى بتاكليه دا
وانت مالك اخرج من مطبخنا
طب هاتى طبق رز بلبن انتى اصلا مش بتحبيه
هو ايه الى حبتيه يا بربورة
يع بطل الدلع المقرف دا
علشان تحرمى تقولى اوس
خلاث مش هقولها تانى
من غير ما تتقمصى وتكشرى كدا
مش مكشرة اهو عادى
طب يلا نطلع نفطر
تؤ اش عايزة
تؤ هتفطرى معايا يلا علشان محضرلك مفاجأة هتعجبك اوى
بجد ايه هى
لما ناكل وبلاش زن مفهوم
يلا ونشوف مين هيطلع اسرع
جرينا وهو سبقنى طبعا وقعدنا فطرنا وطبعا الجو ميخلاش من هزارنا ونقارنا فى بعض انا عمرى ما اعرف ازعل منه ولا هو عمره سابنى زعلانه ابدا خلصنا فطار وهو نزل يصلى الظهر هو وبابا وبباه وانا انتهزت فرصة ان ماما ومامته بيرغوا ودخلت اوضته فضلت اقلب فى حاجته زى عادتى والحمدلله عمره ما قافشنى فضلت اقلب فى حاجته وكتابته الانجليزى المفعكشه كتابتة شبه نكش الفراخ ههههه مسكت كشكول كبير وتقريبا دا كشكول مراجعته هى دى عادته بس وقع منها ظرف شكله غريب فتحته وحاولت اقرأ الى فيه بس كان كله انجليزى بس معرفش ليه قلبى اتقبض لما قريته مع انى مفهمتش منه حاجه بس اتقبضت منه بس اتفاجئت بالى جه ونتشه منى
ااااا انا
انتى ايه واضح انك اخدتى مساحه
فى حياتى اكتر من حقها اه متربين سوا بس الوضع اختلف دلوقتى احنا كبرنا ولازم تعرفى حدودك ومتدخليش اوضة ولد يا هانم يا محترمه ايه مش قادرة تصبرى كنت هقولك انى هتنيل اسافر لكن ازاى تصبرى تدخلى وتقلبى فى حاجاتى
الصدمه شلت لسانى وكل حواسى دا اهانى وخلانى اد ايه انا وحشه قدام نفسى معاك حق انا اسفه بدأت امشى وانا حاسه ان كل حته فيا بتترعش وبباه ومامته وماما وبابا جم على صوته
محدش فينا رد بس انا اخيرا قدرت اهرب منهم وجريت طلعت على شقتنا ودخلت اوضتى وقفلت على نفسى
يتبع
البارت الثاني
ايه يا ولاد فى ايه
محدش فينا رد بس انا اخيرا قدرت اهرب منهم وجريت طلعت على شقتنا ودخلت اوضتى وقفلت على نفسى وفضلت اعيط كتير وبابا وماما حاولوا يكلمونى بس مكنتش بتكلم مع حد ابدا وعدا على اليوم دا اسبوع ودخلنا فى الامتحانات ومكنش بيسال عليا ابدا اد ايه هو معندوش ډم وقاسى وانا غلطانه انى بحب واحد زيه بس مقدرش انا مطمنش عليه خصوصا انه اخر سنه كل يوم اكلم طنط الهام ومن غير اى كلمه تقولى ان امتحانه كان كويس وبحمد ربنا انها فهمانى مهى عارفه انى بحب الجبله ابنها
نعم يا زوزو يا قمر
اطلعى ودى الحاجه دى عند طنط الهام
ايوا يا ماما بس
اسامه مش فوق قالتلى انه نزل يلا اطلعى اخلصى
حاضر يا حجه بس متزوقيش
لبست خمارى وطلعت واول ما قربت من الباب سمعت صوتهم عالى ايه دا دا كمان اسامه موجود كنت لسه هنزل بس سمعته بيقول اسمى استنيت اشوف بيقولوا ايه انا مش قصدى تصنت والله بس الموضوع واضح انه يخصنى
انا احب ابرار دى اختى الى كنت بقعد اذاكر ليها
