انتي ايه اللي جابك فرحي
سهام في جنبي وإتلاقيت الدكتور بصلي بمعني كملي
الإتنين اللي قدامنا دول كانوا بيحبوا في بعض ومش مركزين معاك أصلا وإحنا كنا بنتنمر عليهم وعليا وعلي أعدائي هاا
ردت سهام بصوت واطي وحسيت إنها إتجلطت بس مش مهم يعني هما يحبوا في بعض الملزقين دول وإحنا نتطرد
يخربيتك إي اللي انتي قولتيه دا
أتكلم الدكتور وقال
إنتوا الأتنين كمان برا
يادكتور دي كدابة
كدابة ف عينك
إنتوا هتتخانقوا ولا اي يلا إنتوا الأربعة برا هتضيعولي وقت المحاضرة
خرجنا بعدها والبنت اللي كانت معاه بتبوصلي بغيظ وجات عليا وقالتلي
عاجبك كدا يابومة غيرانة مننا ليه هاا وبعدين إنتي مالك إنتي نحب ف بعض ولا نولع في بعض
بقولك اي يابت إنتي أنا مش نقصاكي مش كفاية إتطردنا بسببكم وبعدين انا مش بحب شكل التلزيق دا
إنتي اللي جيبتيه لنفسك ياحبيبتشي تعاالي
وروحنا ماسكين في بعض وسهام والولد بيحاولوا يفكوا مابيننا لحد ماخرج الدكتور وزعق
اي اللي بتعمليه منك ليها دا بس سيبوا بعض وقدامي علي العميد
يتبع.
الحلقة الثالثة
روحنا احنا الأربعه علي مكتب العميد ومعانا الدكتور وكنا واقفين حاطين راسنا في الأرض أتكلمت وانا بعيط وقولت
أتكلمت البنت پصدمة وهي وشها كله متشلفط
والله العظيم هي اللي مشلفطاني حضرتك وبعدين ماحضرتك شايف قدامك أهو عملت إي فيا
إتكلم العميد وقال بحزم
مش عايز أسمع حد دي جامعه مش شارع اللي إنتوا عاملتوه دا هتتحاسبوا عليه فصل من الجامعه لمدة يومين
لا والنبي يومين كتير داما بشم هوا فيها
نعم!!
أقصد هوا التعليم دا بيغذيني من جوا
كلمة كمان وهخليها إسبوع
ولو كلمتين?
إتكلم بعصبية
إحنا هنهزر ياأستاذة
خرجنا من عنده والبنت بتبوصلي بشرار روحت أنا وسهام علي الكافتريا وقعدنا
عاجبك كدا ياهبابة إنتي أنا كان إي اللي جابني مصر مانا كنت في الكويت مع بابا أكرملي
اي دا الدكتور جاي علينا يلا نقوم نجري
لسة هقول فين إتلاقيت اللي قعد علي الترابيزة بتاعتنا وبيبصلي بحدة وقال
كنت مفكرك أعقل وأهدي من كدا ياإسراء
بصيتله بزهول ف كمل
دانتي بوظتي مستقبل البت محدش هيبصلها بعد اللي عملتيه فيها وأنا لما شوفتك بتجري وإنتي بټعيطي إمبارح قولت البنت دي رقيقة وطيبة طلعتي متوحشة
وإنتي طالعة بتجري من الفرح خبطتي فيا
شهقت وقولت
إنت اللي خبطت فيك طلعت الدكتور بتاعي!
وبعدين كنت ف فرح أختي ليه
العروسة تبقي أختك!
لأ انا كنت جاي لصاحبي وجارى العريس مروان
هو مروان دا ورايا ورايا ماقولنا هنقفل السيرة دي بقي ليه كل حاجة بتفكرني بيه
طرقع بصوابعه قدام عيني وهو بيلفت إنتباهي وقال
سرحتي ف إي ?
هاا..لأ مفيش
إتكلمت سهام اللي كانت بتتابع بصمت وقالت
طيب برضوا حضرتك يادكتور جاي ورانا ليه برضوا?
حسيته إتوتر وقال
جاي أقولكم إني هكلم العميد تاني عليكم وأحاول أخليه يرجعكم
بصتله سهام بمكر وقالت
أه ودا ليه ?
هو إتوتر ولا أنا بيتهيألي يجماعه?
لأ عادي عشان إنتوا الأتنين محترمين وكدا وعشان خاطر مروان صاحبي ومراته
ااه مااشي
عن إذنكم
سابنا ومشي وأنا مش فاهمة هو فعلا كان متوتر ليه إتحولت نظرة سهام من مكر ل قلق وإستفهام
كنتي بټعيطي إمبارح وطالعه تجري من فرح أختك ليه?
مفيش ياسهام دا انا عيني إتطرفت وكنت مدمعه بس وخبطت فيه وهو فكرني بعيط
إسراء إنتي مش بتعرفي تكدبي وبعدين إنتي هزرتي كتير أوي النهاردة معني كدا إنك بتخرجي حاجة وجعاكي بالهزار دا
بصيتلها وأنا دموعي أخيرا بتتحرر وحضنتها وقعدت أبكي من غير ماأتكلم وهي مسألتنيش تاني وفضلت تطبطب عليا بس قد إي فعلا بنحتاج صاحب كدا بيفهمنا دايما وعارف إحنا محتاجين إي وعارف إي اللي بيبسطنا وإمتي نبقي زعلانين وإمتي فرحانين بجد مش بندارى زعلنا في مجرد ضحك خلصت عياط وقومت من حضنها وأنا بمسح دموعي وعدلت الطرحة وقولت
إوعي كدا دانتي عيلة كئيبة خلتيني أعيط
مسحت سهام دموعها هي كمان وقالت
يابنتي هو انتي تخلي الناس ټعيط وبعدين تقولي هما اللي عيطوكي..قومي بينا نجيب شاورما وآيس كريم ونتمشي وتحكيلي مالك بي من غير عياط عشان هنبقي في الشارع والناس هتتفرج علينا
إبتسمتلها بشكر يمكن عشان هي موجودة في حياتي جبنا شاورما وإتمشينا وحكتلها كل حاجة ومن غير ولا دمعه واحدة
يابنتي خلاص كفاية عياط بقي الناس بتتفرج علينا وعينك هتورم
رديت عليها وانا بمسح دموعي
خلاص أهو خلصت
بس برضوا مش فاهمه ليه ياسمين تعمل كدا?
ولا أنا فاهمه ياسهام بس ربنا يسعدها وكدا كدا أصلا بابا حرم عليا إني أدخل بيتها
حضنتني سهام وقالت
ولا يهمك ياحبيبتي عندك بيت أختك التانيه تجيلي وقت مانتي عايزة ولا أنا مش أختك
إنتي أكتر من اختي والله ياسهام ربنا يخليكي ليا..تعالي نجيب آيس كريم بقي عشان نحلي
طفسة طفسة يعني يلا بينا
عند ياسمين ومروان
كانت الساعة 4 المغرب ومروان دخل عشان يصحي ياسمين اللي نايمة من امبارح
إصحي بقي ياياسمينتي
ياسمين وهي بتفتح عينيها بضيق
عايز اي يامروان سيبني أنام شوية
تنامي شوية إي تاني قومي المغرب هيأذن
معلش سيبني أنام شوية وبعد شوية تعالي صحيني
مروان بنفاذ صبر
يا ياسمين دي المرة الخامسة اللي تقوليلي كدا أنا زهقت وبعدين جعان
بصيتله ياسمين بعصبية وقالت
ماتاكل يامروان هو أنا هقوم أحضرلك الرضعه مفاكش إيدين تحضر أكل لنفسك ولا اي
إتصمت مروان من ردها مش هي دي ياسمين اللي كانت بتوعده بكل حب بعد الجواز واللي غير فكرته جهة إسراء بسببها وحببته فيها مش هي دي ياسمين الرقيقة اللي كانت بټموت فيه!
اي الكلام دا ياإسراء ما آي واحدة طبيعي إنها تقوم تحضر أكل لجوزها وبعدين هي دي ليلة صباحيتنا اللي وعدتيني بيها!
بقولك إي مش عايزة أتخمد أنا هقوم أعمل آي حاجة بدل وصلة الحنين اللي إنت فيها دي
قامت وسابته مصډوم منها ومن ردة فعلها بس مسك نفسه عليها وقال في نفسه
يمكن تعبانه أو في حاجة مدايقاها ف عشان كدا بتتكلم كدا راح عندها وحضنها وقال
حبيبتي متدايقة من حاجة ?
بعدت ياسمين عنه وقالت
لأ مش متدايقة من حاجة لو عايز تاكل أنا بحضر أكلي تعالي حضر أكلك معايا
يعني اي أكلي وأكلك ماطبيعي تعمليلنا إحنا الأتنين
لأ ياحبيبي أنا مش خدامة عندك كل واحد يعمل حاجته
بصيلها پصدمة وزعق وقال بنفاذ صبر
في اي ياياسمين من إمتي وإنتي كدا وإي خدامة عندك دي إنتي مراتي
قالت ياسمين ببرود
أديك قولتها مراتك مش شغالة عندك
دخل مروان الأوضة ورزع الباب وراه جامد لحد مايهدي عشان ميعملش فيها حاجة قعد علي السرير وهو بيتنفس بصوت عالي وإفتكر أول مرة كلمته
flash pakk.
كان قاعد في الكافيه اللي متعود يقعد فيه كل يوم بعد الشغل..
أستاذ مروان
بصيلها مروان بإستغراب وقال
أستاذة ياسمين أهلا إتفضلي أقعدي
قعدت ياسمين وهي بتتصنع الرقة وقالت
انا عارفة إننا مالناش كلام مع بعض بس في موضوع مدايقني أوي ومش عايزة أحكيه لحد قريب مني عشان ميزلنيش بيه بس عارفة إن حضرتك كويس وإبن ناس ف هتسمعني
أكيد طبعا أتفضلي
مثلت ياسمين البكا وهي بتقول
أنا مش عارفة أبدأ منين والله هو الموضوع يخص أختي إسراء
إتخض مروان وقرب
علي التربيزة وهو قلقان وبيقول
إسراء مالها?
بصيتله ياسمين
بخبث خفي وإتأكدت
