_في موضوع مهم عايز أكلمكوا فيه . و مش عايز حد يقاطعني بقلم نورهان العشرى

اخواتي لكن لو هيخيروني ف أنا عمري ما كنت هقبل ارتبط بيك
لامست بحديثها منعطفات خطړة و خدشت جدار كبرياءه الذي جعله يقول بجمود
يبقى ملهاش لازمه الجوازة دي و أنا هعفيك من الټضحية 
لا
تعلم هل كانت خيبة تلك التي زارت قلبها في هذه اللحظة أم أنها كانت مصدومه فقط ! ولكن كان هناك شعور قاس يفترس قلبها دون رحمة للحد الذي جعل دمعة غادرة تنبثق من طرفي عينيها فسقطت علي قلبه المغرم بها ولكنه آذت كبرياءه كثيرا بكلماتها تلك ناهيك عن ظنها السئ به فحاول ردع نفسه عن آخذها بين ذراعيه خاصة وهي تناظره بتلك الطريقة التي تحمل عتابا صريحا لم يفشل في فهمه فوجد يده تتسلل إلي أسفل وجنتها لتقوم بمسح دمعتها التي أډمت قلبه و خرجت الكلمات معاتبه من بين شفتيه حين قال
بټعيطي ليه مش دا اللي أنت عيزاه 
كانت لمسته ك صاعقة برق أصابت أسفل ظهرها ف شعرت ب جسدها بتصلب بقوة حبست الأنفاس بصدرها فأخذت ثوان حتى استعادت كامل ثباتها قبل أن تقول بلهجة مهتزة
دا من الضغط بس انت عندك حق دا اللي انا عايزاه لو عندك فرصة توقف المهزلة دي انا معاك  
شعر بأنه آلمها دون أن يدرك فهو للآن
لم يخبرها كم هو يعشقها على الرغم من يقينه بأنه هناك مشاعر قوية بداخلها له إلا أن الوقت لم يمهله اي فرصة معها لذا أخذ قراره بأن يتجاوز عن كل ما حدث و يحاول أن يبدأ معها مرة أخرى حتى لو كان بتلك الطريقة لذا قال بلهجة خافته ولكن قوية
للأسف مفيش فرصة اني اوقف حاجه 
اهتزاز حدقتاها و انتباه ملامحها كانا خير دليل علي أن حديثه لاقى صدى بداخلها و خاصة حين قالت بنبرة مرتجفة
يعني ايه 
يعني بعد بكرة هتبقي مراتي و مفيش اي حاجه في الدنيا ه تمنع دا
مكشره ليه يا أم أربعه و أربعين 
كان هذا صوت مروان الذي تقدم ليجلس على الأرجوحة في الحديقة بجانب ريتال العابسة و التي لم تعير حديثه اهتمام فاردف و هو يعبث بخصلات شعرها
ماتردي يا برنسيسه هوا بيكلمك 
ناظرته بامتعاض تجلي في لهجتها حين قالت
هوا ايه ده انت كنت هتوقع المرجيحه وانت بتقعد 
قصدك ايه يا بت انت انا تخين ولا ايه
ريتال بتهكم
لو مكنتش شايف بكروشتك تبقي محتاج نضارة 
يا بت أنت راضعه سم فران 
بتطلعي بكابورت من بقك ارحمي أمى شويه  
ناظرته ريتال بأعين ممتلئة بالدموع و قالت بلهجه تهدد بالبكاء
كده ماشي مش هكلمك تاني 
شعر بالقلق عليها فقال باندهاش
و دا من امتى الاحساس دا دانت اسقع من الديب فريزر اوعي تكوني زعلانه بجد
هنا اڼفجرت ريتال في البكاء وهي تقول من بين نهنهتها
زعلانه اوي يا عمو 
مدام احترمتيني و قولتي عمو يبقى زعلانه بجد حصل ايه يا بت مين زعلك وانا انفخهولك 
الدنيا يا عمو 
هكذا أجابته من بين عبراتها فقال پصدمة
الدنيا ايه يا بت الكلام دا أنت لسه روحتي فين ولا جيتى منين دنيا ايه يكونش توم و جيري قتلوا
بعض و انا معرفش !!
صاحت به غاضبة
توم و جيري ايه شايفني عيله قدامك 
مروان باستنكار
لا لا سمح الله انسه عندها ست سنين و بتقولي الدنيا مزعلاني افهم من كدا ايه 
تحس بيا عن كدا 
مروان بحنق
يخربيتك خوفتيني هيكون حصل ايه سبونج بوب خلى بيك طب غيروا نوع البامبرز المفضل عندك ولا حصل ايه مانا مش فاهم 
ازداد نحيبها وقالت بنبرة متقطعة
الفستان بتاعي مش عاجبني و مش لاقيه حد ييجي معايا أجيب واحد جديد 
كل دا عشان حته فستان طب كنت قوليلي و انا كنت جيت معاك نقيتلك احلى فستان 
رفعت رأسها تناظره و بشفاه مذمومة إجابته
لا انت ذوقك وحش اوي 
اتفو عليك يا شيخه انا غلطان اني بصالحك
أنهى كلماته تزامنا مع رؤيته سما التي كانت تخرج من الباب تبحث بعينيها عنهم فقال بلهفة
هجبلك ست فستانين بس تخدمي عمك 
برقت عينيها وقال بحماس متناسية حزنها
موافقة 
طبعا أنت بتحبي سما 
طبعا 
و طبعا سما ذوقها حلو 
طبعا
ايه رأيك لو ناخدها معانا و نروح نشتري احلي فستان في الدنيا لأحلي ريتا
برقت عينيها و قالت بحماس
موافقه طبعا 
مروان بتخطيط
بصي هي جايه علينا عايزك ټعيطي و تهبدي لحد ما تقنعيها تيجي معانا
ريتال بتفكير
بس دي خدمة كبيرة أوي يعني فستان قليل عليها 
ناظرها پصدمه قبل أن يقول پصدمه
يابت أنت بتساوميني يخربيتك جايبه الدماغ دي منين دانا وانا قدك كنت برياله  
ريتال بعفوية
طب انت كنت اهبل يا عمو انا ذنبي ايه 
طب اكتمي بقي واعملي اللي قولتلك عليه هي جايه اهيه 
بالفعل ما أن أطلت عليهم سما حتى أتقنت ريتال رسم دور الحزن فاقتربت منها سما قائلة بحنان
مالك يا ريتا بټعيطي ليه 
اڼفجرت ريتال في البكاء و مروان يحاول تهدئتها
متعمليش في نفسك كدا يا ريتا اجمدي ياختي 
سما برقة
ايه يا مروان في ايه مالها ريتا
مروان بهيام و لهجه خافته
مروان بيدوب هنا 
سما
باستفهام
بتقول ايه 
لكزته ريتال في جنبه خفيه فاعتدل في جلسته وهو يلملم نفسه قائلا بلهجة حزينه
أبدا يا ستي ريتال مقهورة عشان مجبتش فستان حلو و مش لاقيه حد يروح معاها يختارلها فستان حلو  
يا روحي بس كدا طب ليه مقولتليش وانا آجي معاك
اندفعت الكلمات من فمه حين قال
احنا لسه فيها يلا نروح دلوقتي نختار لها الفستان  
سما بتفكير
بس احنا منعرفش حاجه هنا هنروح فين 
مروان بغرور
عيب تقولي كدا و أنت معاك مع مروان الوزان دانا اعرف دهاليز الصعيد دي دهليز دهليز يا بنت دانا اصحابي مسميني خط الصعيد 
سما بحماس
إذا كان كدا يبقي يلا بينا
بعد مرور ساعتين تأففت سما من درجة الحرارة العالية وقالت بضيق
بقالنا ساعتين بنلف هنوصل امتا 
مروان بتحسر
انا عارف بايننا تهنا ولا ايه 
انتفضت سما تناظره پغضب وهي تصيح
توهنا!! انت بتستهبل اومال عمال تقولي خط الصعيد و اعرف دهاليزها دهليز دهليز انت بتشتغلني
صدح صوت ريتال من الخلف حين قالت
الصراحة اه بيشتغلك هو اساسا تاني مرة ييجي
هنا
هيعرفها منين 
مروان پغضب
اكتمي يا قدرة الفول أنت علي فكرة يا سما دا كان اختبار لمدى ثقتك فيا و سقطي فيه 
سما بتوعد
يعني احنا مش تايهين 
مروان بثقة
يا بنتي عيب نتوه ازاي يا جاهله احنا في عصر الانترنت الاندرويد مستبلناش مساحة للغلط التليفونات التاتش ملت البلد في اختراع اسمه ال GBS يا جاهله  
انهي كلماته وهو ينظر إلي ريتال قائلا بأمر
هاتي التليفون يا ريتا اما نشوف احنا فين 
ارتسمت الذعر علي ملامح ريتال حين سمعت حديث مروان و ارتبكت نبرتها حين قالت
ايه دا هو انت كنت
محتاج تليفونك يا عمو 
نعم ياختي !!
هكذا تحدث مروان فأجابته ريتال بعفوية
اصلي كنت زهقانه فلعبت جيم بابجي و فصل شحن و أنا في نص الجيم  
بابجي الطم ولا اجيب لطامة 
هكذا صړخ مروان ف ناظرته سما بسخط تجلي في نبرتها حين قالت
دانا اللي هلطم بحجارة عشان سمعت كلامك و رضيت آجي معاكوا انا هنزل اوقف اي عربية ماشية واعرف احنا فين 
و بالفعل ترجلت من السيارة تنوي العبور للجهة الأخرى فلحق بها مروان الذي قال بصړاخ
استني يا بت خدي يا هبلة تتخطفي هنا هيؤدوكي الله يخربيتك 
و لكن فجأة تسمر الإثنان بمكانهم حين شاهدا 
يتبع 
بسم الله الرحمن الرحيم
الخامس عشر بين غياهب الأقدار
تحيا القلوب و تهلك بيد
ساكنيها ذلك الشخص الذي تضعه في المنتصف بينك و بين روحك هو وحده القادر على ترميم تصدعات وشروخ عمرا مضى و إعادة بناء عمرا جديدا تغلفه السعادة التي ظننتها يوما مستحيلة ولكن ماذا لو أصبح هذا الشخص هو قاتلك! ف علي قدر قربه جاءت طعنته الي قلبك نافذه ف صرت ك روح مذبوحه ترفرف بين يدي قاتلها تستجدي انقاذا لدماء بريئة أزهقت على يد حارسها!! حينها يتخطى الألم حدود العقل و يصبح الغفران دربا من دروب المستحيل 
نورهان العشري 
ترجلت من السيارة تنوي العبور للجهة الأخرى
فلحق بها مروان الذي قال بصړاخ
استني يا بت خدي يا هبلة تتخطفي هنا ه يؤدوكي الله يخربيتك 
و لكن فجأة تسمر الاثنان ب مكانهما حين شاهدا شيرين التي كانت تستقل سيارة يقودها رجلا ملثما و بجانبها رجلا لم يكن يخفي وجهه جيدا مما جعل الصدمة تغلف ملامح كليهما فتحدثت سما قائلة باندهاش 
هي مش دي شيرين 
أيوا هي 
هكذا أجابها مروان ف أردفت باستفهام 
مين اللي هي راكبه معاهم دول 
الټفت مروان يناظرها و قد تبدلت صډمته إلى شفقة كبيرة على تلك الطفلة البريئة التي لا تتذكر ملامح والدها و إن كان لا يستحق هذا اللقب ولكن مهما حدث ففي النهاية صلته بها لا يمكن تجاوزها 
معرفش بقولك ايه تعالى انا افتكرت طريق مختصر هنروح نجيب لريتال الفستان و نروح 
التفتت تناظر ملامحه الجامدة والتي تختلف مع طبيعته المرحه فخرجت الكلمات منها متألمه 
شيرين أختي بقت تعمل حاجات غريبة أوي أنا حاسه إني مبقتش عرفاها 
زفر مروان بتعب قبل أن يجيب
كلنا حاسين نفس الإحساس ياسما معرفش ليه بقت كدا
تباطئت الكلمات على شفتيها و رفرفت ب رموشها قبل أن تقول بلهجة متوترة 
يمكن عشان لسه بتحب أبيه سالم و عيزاه 
اللي بيحب حد مش بيأذيه و هي أذته و لا يمكن سالم ه يسامحها موضوعهم خلص خلاص وهي عماله تعك و للأسف بتأذينا كلنا من غير ما تحس 
هكذا أجابها بتمهل فلاقت كلماته صدى كبيرا بداخلها و أشعلت نيران الذنب بقلبها فقالت بشفاه مرتعشة 
مروان كنت كنت عايزة أقولك على حاجه بس توعدني يعني إنك تفكر كويس قبل أي حاجه 
لون الترقب معالمه و تنبهت جميع حواسه وهو يقول 
سامعك  
أخفضت رأسها
بخزي و انبثقت عبرات الندم من مقلتيها قبل أن تقول بلهجة تقطر حزنا
انا غلطت غلطة كبيرة اوي و ضميري مأنبني عشانها و مش قادرة أسامح نفسي 
في احد المشافي كانت ترقد روح بريئة تجاهد المۏت و تقاتل لاسترداد أنفاس سړقت منها رغما عنها عوقبت بأقصى ما يمكن أن يحدث لبشر دون أن تعرف ما ذنبها 
ما الذي اقترفته حتى تنال هذا المصير على يد من لا يعرف الرحمة  
كانت الأجهزة تحيط بهذا الجسد الضئيل الذي تخترقه الأنابيب لتمده بما جعله قادرا على الحياة لمدة تسعة أشهر كانت بهما في غيبوبة تامة لا يتحرك إنشا واحدا من جسدها حتى الهواء كان يصلها من خلال جهاز التنفس و بعد أن كانت صيحاتها تملئ المكان بهجة و فرحه انطفأت فرحتها و اندثر بريق الحياة من حولها و خيم الذبول على ملامحها 
و لأن الشړ لا يكتفي و لا يستطيع أن يوقف طوفانه أحد فقد أرادت يد الغدر أن تطال