اتجوزته فى بيت عيلة بقلم أمانى السيد
الاكونت بتاعها لانها عملت لايك لبوست مره عندها بالغلط ورجعت مسحته وفعلا مروه شافت الصورة وكانت مش عارفه الصورة دى بمناسبة ايه وفضلت تخمن بس مجاش لسه فى بالها انها تكون رجعت لصفوان لان هى طبعا فاهمه ان صفوان فى شغل
تانى يوم رجوعهم اتصلت اسماء على إيلاف تطمن عليها
اسماء ازيك يا ايلا عامله ايه انبسطتى
اسماء اخدتى العلاج اللى الدكتوره كتبتهولك
إيلاف اه اخدته يارب بس يكون جاب نتيجه والحقن المنشطه تعمل مفعول والحمل ميتاخرش المره دى بقى
اسماء لا إن شاء الله خير دكتوره ايه من الدكاترة الممتازين
ايوه هى صاحبه دهبيه فى المعلم ومراته وزوجته
عدى اسبوع وخلال الأسبوع ده كان كل يوم صفوان بيعدى على إيلاف يتعشى عندها قبل مايروح وكانت كل يوم بتعمله من الاكل أشكال وألوان مره حمام محشى وطاجن رز معمر مره محاشى وبط مره رقاق وبشاميل وسمبوسه وطبعا كانت بتعمل الاكل لشخصين فكان سهل عليها انه تخلص بسرعه ويكون عندها وقت فاضى كتير تعمل ميكب تهتم بلبسها عكس حياتها عند حماتها اللى كانت شقى وتعب واكل وعزايم مرتين تلاته فى الأسبوع
إيلاف فى مره وهما قاعدين على العشا
ايلاف الاكل عجبك يا حبيبي
صفوان اه يا ايلا تسلم ايدك
إيلاف هو انت مش هتبات معايا في مره بدل ما كل يوم بشوفك ساعتين تلاته على الطاير كده
صفوان انتى عارفه ظروفى واحنا متفقين مع بعض
صفوان صعب الاسبوع يتقسم لانهم هيعرفوا كده انى رجعتلك
إيلاف بخبث
طيب تمام يا حبيبي بقولك صحيح انا مجهزالك الحمام ادخل خد شاور بعد الغدا على محضرلك فنجان قهوه
صفوان انا فعلا محتاج الشاور ده هقوم اخده دخل صفوان اخد الشاور وكانت ايلاف حطاله شاور بريحه نفاذه وثابت على الجسم وزيوت مساج
ايلاف وودعته وكانت حاطه برفان حريمى ثابت واتنقل لملابس صفوان وثبت فيها
وصل صفوان للبيت وكالعاده مروه قاعده مع مامته
مروه مساء الخير يا صفوان احضرلك العشا
صفوان لا انا شبعان اكلت بره
مروه هو انت مش واخد بالك انك من ساعت ماجيت من السفر ومابقتش تاكل حاجه هنا حتى لما بتاكل بيكون من غير نفس ولقمتين وبتشبع
تانى حاجة انتى هتحسبينى ولا ايه اكل ولا مكلش مالكيش دعوه
ام صفوان بقت تبص لصفوان بشك لكن ساكته
ام صفوان اطلعى مع جوزك يا مروه
مروه حاضر يا خالتى وقامت طلعت ورا صفوان
صفوان لا شكرا انا هغير وانام
مروه بصتله باستغراب انه اول مره ما يستحماش قبل الشاور
صفوان غير هدومه ولبس البجامه وطفا النور ودخل نام
ومروه عملت زيه وهى بتفكر في سبب تغييره معاها من ساعت رجوعه من السفر قبل مايسافر كان كويس معاها وبيديها الفلوس اللى هى عايزاها يا ترا حصل ايه ونامت أثناء التفكير
تانى يوم صحى صفوان ولبس وراح الشغل وكانت مروه لسه نايمه
صفوان وهو فى الطريق كلم إيلاف
صفوان صباح الخير يا ايلا عامله ايه
إيلاف صباح النور تحب اعملك حاجه معينه تحبها على الغدا ولا على زوقى زى كل يوم
صفوان لا يا حبيبتي انهارده مش هقدر اجى اصل امى بدات تشك ومروه كمان
إيلاف خلاص براحتك زى ماتحب بس لما تبقى تحب تيجى ابقى كلمنى قبليها عشان ابقى عامله حسابى مع السلامه
صفوان استنى بس انتى زعتلى ليه محڼا متفقين
إيلاف هو بعد كل نقاش بينا تقولى متفقين خلاص يا صفوان عرفت وضعى مع السلامه وقفلت معاه وهى بتضحك بخبث
صفوان لنفسه ايه الصباح ده بس وراح لافف بالعربيه وراحلها الاول قبل مايروح الشغل وفتح ودخل وهى كانت لسه هتجهز الفطار دخل عليها صفوان براحه وراح شاددها من وسطها
ايلاف بخضه اخص عليك كده خضتنى مش انت قلت مش جاى
صفوان منا لقيتك زعلتى ماهنش عليا زعلك اهو وجيت افطر معاكى
إيلاف ايه ده هو انت محدش بيفطرك قبل ماتنزل
صفوان لا شفتى بقى انا غلبان ازاى ومش لاقى اللى ياكلنى
إيلاف طيب يا غلبان هقوم انا افطرك وفعلا جهزلته فطار حلو وحضرتله كمان صندوق فى اكل ياخدوا معاه زى ماكانت بتعمل وفطر معاها وصالحها ونزل الشغل
عدا اسبوعين بنفس الطريقة ومروه احساسها وشكها زاد انه اتجوز تانى بس كانت شاكه انها ايلاف مكنتش متاكده قامت لبست هدومها ونزلت الصيدله لان البيريود متاخره عليها وحبت تتاكد نزلت جابت اختبار حمل وعملته وطلعت حامل اتصلت بصفوان
مروه صفوان بقولك ايه محضرالك مفاجأة عايزاك تيجى بدرى انهارده
صفوان مفاجأة ايه قولى
مروه لا لما تيجى انهارده هقولك اوعى تتاخر هستناك فى شقتنا ونزلت لحماتها عرفتها انها حامل وحماتها فضلت تزغرط من الفرح
عند ايلاف حست بتعب جامد بقالها كام يوم واتصلت بالصيدليه وجابت اختبار حمل وطلعت حامل واتصلت بصفوان عشان تعملهاله مفاجأة
إيلاف الو يا حبيبي كانت بتكلمه وهى بټعيط من الفرحه
صفوان مالك يا ايلاف انتى تعبانه ولا ايه بتعيطى ليه
ايلاف من الفرحه عايزاك تيجى دلوقتي ضرورى محضرالك مفاجأة وانت جاى هات معاك تورته واكل جاهز
صفوان هى ايه حكايه المفاجاه انهارده
إيلاف بص مش وقته اى حاجه اضايق نفسى بيها هستناك على الغدا اهم حاجه تجيب كباب وكفته عشان نفسى فيهم اوى
يا ترا رد فعل صفوان هيبقى ايه ومراتاته الاتنين حامل في نفس اليوم
البارت السادس
عند ايلاف
لبست فستان لونه ابيض قصير وفردت شعرها وجهزت الشقه بالشموع وضلمت الدنيا وحضرت مشاريب يشربوها بعد الغدا وجهزت موسيقى هاديه وشغلتها في الشقه كلها دخل صفوان وحط الاكياس على السفره
صفوان ايلاف ايلاف انتى فين
خرجتله إيلاف بشكلها من الغرفه فى وسط الإضاءة الخافته بطلتها اللى سحرته خلته واقف مش فاهم فيه ايه منين بتكلمه بټعيط ومنين عامله كده فى شكلها
ايلاف خرجت قدامه وسلمت عليه وحضتنه في وسط زهوله
صفوان ايلاف انتى كويسه
إيلاف اه كويسه اقعد بس عشان محضرالك مفاجأة
صفوان مفاجأة ايه بيقولها وهو سرحان فى شكلها
إيلاف اتفضل
صفوان فتح العلبه وكان فيها شريط حمل مسك شريط الحمل وقالها بتبريقه ايه ده
إيلاف بضحك انت شايف ايه
صفوان الحاجه دى مافيهاش هزار
إيلاف انا مش بهزر
صفوان بقى واقف مزهول أخيرا هيبقى اب مش مصدق نفسه فرحان ان حلمه اللى كان من اسباب جوازه مره تانيه واللى ياما اتعشم بسببه ومكنش بيحصل اخيرا حصل بقى فرحان ومبسوط ومسكها من ايديها قالها اقعدى حاسه بايه
إيلاف البريود اتاخرت وكنت حاسه بتعب الفتره اللى فاتت وكنت فكراه برد بس لما البريود اتاخرت شكيت ولما عملت إختبار حمل طلع ايجابى
صفوان طيب البسى وتعالى معايا
إيلاف انا جعانه ونفسى فى الكباب ناكل وننزل طيب
صفوان طالما نفسك يبقى حمل إن شاء الله تعالى يلا عشان ناكل
قامت ايلاف عشان ترص السفره قالها لا استنى انا اللى هحط الاكل وفعلا حطه في الأطباق ورص الاكل على السفره واكلوا ولما الاكل الباقى وحطه في التلاجه وغيرت هدومها ونزلوا راحوا لدكتوره تانيه غير اللى كانت بتروحلها الاول وفعلا الدكتوره قالتلها انها حامل فرح اوى صفوان وروحوا البيت تانى وهما مروحين كانت الليل جه لقى مروه كلمته تانى وهو حمل ايلاف كان منسيه خالص مكالمه مروه
مروه الو يا صفوان اتاخرت ليه
صفوان معلش يا مروه هتاخر شويه
مروه بس انهارده بلاش تأخير عشان المفاجاه
صفوان طيب حاضر مش هتاخر مع السلامه
بص لقى ايلاف بتبصله بزعل انه كلمها وهو معاها
صفوان مالك يا ايلا زعلانه ليه
إيلاف لا ولا حاجه منا لو اتكلمت هتقولى احنا متفقين براحتك بقى بس افتكر ان حتى مشاعرى انت مراعتهاش لما بتكلمها جمبى وتقولها حاضر تفتكر لو انا كلمتك وانت معاها هترد عليا اصلا وعملت بوشها نفس الايموشن كده
صفوان مبقاش عارف يبرر لانه فعلا منبهه عليها متكلموش في البيت سكت ومتكلمش لحد ماصلوا وهى طلعت وقفلت باب العربيه وراها مستنتش منه يطلع وراها فضل صفوان شويه فى العربية بيفكر وقرر انه يطلع وراها دخل لقاها غيرت ولابسه كاش قصير وماسكه بقيت طبق الكباب بتاكله فبصلها وضحك وهى بصتله بتجاهل بس من جواها زاد زعلها منه
راح قعد جمبها وحاول يراضيها
صفوان طيب بصى يا ايلا
بكره هبات معاكى ايه رايك
إيلاف بصتله بطرف عنيها كتر خيرك صراحه انك هتبات معايا يوم صفوان لو سمحت محتاجه اقعد لوحدى قوم روح بيتك يالا سابها صفوان ومشى وراح لبيته التانى دخل عند امه بصتله بضحك وقالتله اطلع مراتك استغرب من ان امه سايبه مروه فى حالها وان مروه مش قاعده معاها طلع عند مروه لقاها مجهزه عشا ولابسه لبس مغرى بس ايلاف كانت اجمل منها دخل وقعد
صفوان ايه ده معقوله مروه عامله عشا ومحضراه عشانى
مروه منا بقالى كام يوم بعمله وبتعلم من اليوتيوب عشانك
صفوان ماشى لما نشوف مستواكى اتحسن في الطبخ و لا لأ المهم ايه المفاجأة اللى انتى محضراها
مروه انا حامل
صفوان نعم
مروه انا حامل مالك مش مصدق ليه انا عارفه ان نفسك في طفل من زمان واخيرا بقيت حامل اهو انت مش فرحان ولا ايه
صفوان وعرفتى ازاى
مروه البريود اتاخر ونزلت جبت اختبار وطلع اجابى
صفوان بقى يضحك اوى وبيعيط من كتر الضحك ان فيوم واحد مراتاته الاتنين يحملوا دول لو متفقين مع بعض عليا م هيعملوا كده وهو كان شايل هم يعرفهم انه رجع لايلاف ازاى وهى حامل كده هيطر طبعا انه ياجل إشهار جوازه من ايلاف
صفوان مبروك يا مروه انا فرحان بس انى اخيرا هبقى اب
اتعشوا سوا ودخلوا ناموا ومروه كانت فرحانه انها ربطت صفوان جمبها بعد ماكانت هتضيعوا
عدى كام يوم وعلاقه ايلاف بصفوان باردة وزادت اكتر لما قلها ان مروه حامل كانت بتحضرله حاجاته بدون تقصير انما كانت متجاهلاه تماما وده كان مجننه لحد ما عدا اسبوع بعد اسبوع لقى مكالمة من من ايلاف خاف ليكون حصلها حاجه ورد في ساعتها
صفوان الو ايلاف انتى كويسه البيبى كويس
إيلاف اه احنا كويسين الحمد لله انا بكلمك عشان اقولك انى نازله
صفوان رايحه فين
إيلاف عندى حتتين دهب كده عايزه ابيعهم
صفوان ليه محتاجه فلوس منا طلباتك كلها بجبها
إيلاف عايزه اشترى عربيه صغيره عشان لما احب اجيب حاجه اتحرك براحتى انت ناسي ان المكان هنا مافيهوش تاكسي ولا مواصلات ولازم اطلب ابلكيشن وافضل مستنيه والمشاوير الصغيره مش بيرضى يروحوها فبطر امشى ودلوقتي المشى الكتير في
