فتحت عينها واول مابصت جمبها قامت مرة واحدة وفضلت تصرخ بړعب
يافارس
بس فارس كان واقف بجمود
ريم رفعت وشها وبصتلو بستغراب من جمودو وقالتلو .. مالك يا فارس
ريم لما لاقيته كدة
اتذكرت كلام الظابط لما قالها أنه مستحيل هيكمل معاها
بس نفضت الفكرة علطول من دماغها وقالتلو ..
ريم بترقب .. فارس انتا اكيد مش مصدق فيا كدة . صح.
اكيد عارف اني مظلومة
رد فارس بسخرية .. وايه اللي يأكدلي انك مظلومة
فارس بجمود .. قصدي واضح
ريم پصدمة .. يعني مصدق أن انا اعمل كدة
ضحك بسخرية وكمل.. لأ وعاملة فيها محترمه
ريم كانت واقفة مصدومه من كلامه و دموعها نازلة ومش قادرة تنطق حتي ولا تدافع عن نفسها
واټصدمت اكتر لما فارس قلع دبلته ورماها في وشها ومشي
بالاجبار الحلقة الثالثة
قد ايه كان كلامو قاسې عليها . والزاي صدق فيها كدة بعد حب سبع سنين ومحاولش حتي يسمعها
ريم في نفسها .. ياااه يافارس للدرجة
دي معندكش اي ثقة فيا
بس ريم مسحت دموعها پعنف وهي بتقول .. لازم اخرج بأي شكل وبأي طريقة علشان اثبتلو وأثبت للناس كلها اني مش كدة
خلاص يا ريم أن شاءالله ربنا هيظهر براءتك وهتخرجي
ريم بعياط.. انا ضعت خلاص يا داليا
داليا .. متقوليش كدة اكيد في حل
ريم .. انا بس اللي هيجنني مين ده والزاي دخل شقتي . وكمان دخل الشقة بمفتاح الباب . وقال كدة قدام الظابط عشان يثبت التهمة عليا اكتر واني اعرفه من زمان ومصحباه . و اني انا اللي مديالو مفتاح شقتي علشان يدخل ويخرج براحتو وأنها مش اول مرة دا متعود يجيلي دايما
ريم بنفي .. لأ انا معرفوش .انا اول مرة اشوفه . بس انتي بتسألي ليه
أميرة .. لأ ابدا ياروحي انابس بقول يمكن في بينك وبينه عداوة يعني وعمل كدة عشان ينتقم مثلا .. متزعليش مني انا بس بفكر معاكي
ريم .. ولا يهمك ياحبيبتي .بس انا عمري ماشفته ولااعرفه قبل كدة عشان يبقي في بيني وبينه عداوة ومعنديش عداوة مع حد اصلا .وهو ده اللي هيجنني . مين اللي ليه مصلحة يعمل فيا كدة
ريم .. امتا بس انا خلاص اتفض حت.. انا دلوقتي في نظر الناس كلها بقت واحدة زبا لة وبتاعت رجالة
داليا .. بقولك ياريم . هو لمسك
ريم ..
تصدقي اني معرفش إذا كان لمسني ولا لأ
داليا .. طيب ماهو كدة في طب شرعي ولو ثبت انو مالمسكيش هيبقى اتحلت
ريم بيأس .. وممكن يطلع العكس واقضي عمري كله في السچن .دا غير الفضي حة
ريم .. حتي لو اللي بتقولوه صح وانو فعلا ممكن يبقي ملمسنيش هفضل بردو في نظر الناس إني واحدة مش محترمه وبدخل رجالة بيتي . انتو ناسيين انو كان جمبي علي السرير لما الظابط دخل
داليا .. بصي هو الحل أن الواد ده يتكلم
ريم .. وهنعرف نخليه يتكلم الزاي بقا
أميرة .. متقلقيش ياحبيبتي احنا معاكي ومش هنسيبك.
انا كلمت محامي واكيد هيتصرف
وهنفصل ورا الواد ده لما يتكلم
ريم .. ربنا يخليكو ليا انا مش عارفه اقولكم ايه علي وقفتكو جمبي وأنكم مصدقين اني مظلومة . لو اي حد غيركم كان ممكن يصد ..
اميرة قاطعتها
.. ايه الهبل والكلام ده احنا اخوات وعشرة عمر. واستحالة نصدق فيكي حاجه زي كده
ولا حتي نشك فيكي
ريم ابتسمت بۏجع وهي بتقول .. ليه ما فارس صدق اني عملت كدة وشك فيا وكملت بدموع .. تعرفوا . كل اللي انا فيه دا قوم وصدمتي في فارس قوم تاني خالص
اميرة .. ولا تزعلي نفسك . فارس ده ژبالة
وما يستهلكيش اصلا والمفروض تحمدي ربنا انو بان علي حقيقته
.
عند مامت ريم
كانت بتحاول تكلم ريم علي التليفون بس مفيش رد من ريم وده كان قالق مامتها جدا خصوصا انها عايشه في محافظة تانية مع جوزها بعيد عن ريم
في الوقت ده دخلت دينا بنتها التانية وهي بتقولها .. مساء الخير يامامي
سحر.. دينا كويس انك جيتي ياحبيبتي
دينا .. خير يا ماما . مالك قلقانة كدة ليه
سحر .. بكلم اختك ريم ومبتردش عليا
دينا .. طيب مايمكن مشغولة . انتي عارفة ريم لما بتبقا مشغولة يا بتقفل تليفونها يا بترميه في أي مكان ومبتهتمش ترد علي حد
سحر .. لأ انا مش متطمنة . بقولك ايه معاكي رقم حد من صحابها
دينا .. اه معايا رقم داليا صاحبتها
سحر .. طيب كلميها بسرعة
دينا .. حاضر
ورنت علي داليا
دينا .. مش بترد
سحر .. كليمها تاني
دينا رنت تاني
دينا .. الو. ايوا ياداليا . عاملة ايه
سحر بقلة صبر .. ما تخلصي . اسأليها علي اختك
دينا ..حاضر. بقولك ياداليا هي ريم فين .اصل ماما بتكلمها تليفونها مقفول وماما قلقانة
داليا افتكرت لما كانت بتزور ريم وريم قالتلها لومامتها كلمتها أو حد من اخواتها سأل عليها متعرفمش حاجة
داليا .. اه هي سافرت الغردقة تجيب حجات للشغل . متقلقوش انا كلمتها الصبح
هي بس تلاقيها مشغولة وشوية و هتكلمكم
دينا .. خلاص ماشي يا داليا
وقفلت معاها
سحر .. هاا قالتلك ايه
دينا .. بتقول انها مسافرة الغردقة تجيب حجات للشغل . اطمني بقا هي كويسة . وداليا بتقول انها كلمتها الصبح
..
بعد اسبوع
تم الكشف وفعلا تقرير الطب الشرعي طلع وأثبت انها لسه عذراء وإن مفيش حد لمسها
بس طبعا حازم كان ليه رأي تاني
حازم كان قاعد في مكتبه وبيشرب قهوه بهدوء
لحد ما دخل العسكري ومعاه ريم بعد ما حازم أمره بجيبها من الحجز
العسكري .. تؤمرني بحاجة تانية ياحازم باشا
حازم وهو بيبص علي ريم .. روح انتا
العسكري خرج وقفل الباب وراه
حازم .. قربي اقعدي
ريم قربت بهدوء وقعدت
حازم بهدوء .. تقرير الطب الشرعي طلع
ريم بلعت ريقها بصعوبة وضربات قلبها مره واحده بقت سريعة
حازم .. مش عاوزة تعرفي النتيجة وكمل بسخرية .. ولا انتي اصلا عرفاها
ريم ..ط. طلع ايه
حازم وهو بيصطنع الحزن والأسف
حازم. بكذب .. الطب الشرعي اثبت أنه حصل علاقة بالفعل
ريم پصدمة .. اييه
ريم بدأت في العياط وشهقاتها زادت وهي بتقولو ..ي يعني انا كدة خلاص مش هخرج من هنا و هتسجن
حازم قام من مكانه وقعد قدامها وقالها .. شش اهدي
انا لسه عند وعدي . وهساعدك تخرجي من هنا . بس تعملي اللي انا عايزو
ريم بضعف .. حضرتك عايز ايه
حازم .. تفتكري واحد زيي هيعوز ايه من واحدة زيك
ريم .. مش عارفه
حازم .. متسصتبطيش عليا ياريم . انتي عارفه كويس انا عايز ايه.. قولتي ايه
ريم .. طيب اي حاجه غير الحړام
حازم .. تقصدي اي
ريم .. تتجوزني
ضحك حازم بصوت عالي قبل ما يقولها.. انتي بتهزري . اتجوز مين .اتجوزك انتي . ضحك تاني وقالها .. والله دا اللي ناقص .. اني اتجوز واحدة زيك . ماتفوقي لنفسك يابت انتي
