قصة أم عجوز لديها أربع أبناء كبار

بتقل عليكي يا مرات ابني بس زي ما انتي شايفة صاحية تعبانة ومش قادرة انزل لماما في دوري انهاردة..!
رجاء بنفاق ماتقوليش كده يا ماما فريال أنا هروح واخد بالي من جدتي ماتقلقيش هحطها في عيني! 
بس انتي خدي بالك من علا و كرم انتي عارفاهم أشقية وممكن يأذوا نفسهم! 
فريال مټخافيش دول روح تيتة هاخد بالي كويس!
بس خدي بالك أوعي أحمد ولا هند يعرفوا إني مش هناك وانتي مكاني.. وانا هتصل بهند من تليفوني عشان اطمنها إني قاعدة مع ماما..!
رجاء وداخلها يتهكم على تلك القاسېة الجاحدة 
حاضر ياماما ماتقلقيش محدش هيعرف إن أنا وعايدة سلفتي اللي بنروح مكانك!! 

_الهدوم دي مش مكوية ليه ياهانم..! وفين فرد الشربات دي!
هند بهدوء حاضر ياعصام أنا كنت عاملة حسابي اكوي قمصانك كلها انهاردة واستغل إن مش هروح بكره لماما أحمد كتر خيره هيقعد مع ماما مكاني!
عصام بتهكم لا والله كتر خيره.. ده بدال ماياخدها هو بيته ويراعيها..!
هند بضيق ليه إن شاء الله هي ماما عندها أحمد وبس من حقي انا وفريال نشارك في رعايتها.. دي أمنا وياما تعبت علينا..! 
ضحك سخرية فريال اختك لو تطول ماتروحش مش هتروح دي مابتتحملش تبعد عن أحفادها..!
هتفت بحنق هو مافيش يوم يعدي غير وانت سامم بدني بكلامك حرام عليك ده بدال ماتصبرني وتخفف عني حزني على أمي واللي حصلها بسبب مۏت أختي سهر اللي كسرها وجابلها المړض بعد ما كانت بتلف الدنيا على رجليها وعمرها ما قالت آه..! 
الدنيا دوارة ياعصام.. أوعى تنسى شيلني واتحملني في أزمتي عشان اتحملك لما الدنيا تميل بيك!!!
هتف بلا مبالاة وانا مش كل يوم هقولك بيتك وجوزك ليهم حق عليكي ياهند.. أنتي مقصرة وخصوصا معايا وانتي فاهماني كل أما اجي جمبك تقوليلي تعبانة عايزة انام لما بقيت حاسس إني مش متجوز ست!!!
القى بوجهها سهام كلماته الچارحة وتركها بكرامة ټنزف وقلب يئن ۏجعا..! ماذا تفعل والحزن يأكل روحها بعد ۏفاة شقيقتها الصغرى بمرض لعين تاركة خلفها ثلاث اطفال يتموا بمۏتها.. وتحمد الله أن زوجها لم يقصر معهم

ويرعاهم ورفض الزواج بعدها حبا لأولاده وتعلقا بذكراها..!
كانتت تتمنى هند الدعم من زوجها.. نعم هي مقصرة معه وتعترف ولكن ألا يعذرها قليلا ويتحملها بتلك الظروف..! كفكفت دموعها التي سالت دون أن تعي واستغفرت ربها وهي تدعوا بصلاح الحال وشفاء والدتها من علتها عن قريب!!!! 
رجاء بإمتعاض وهي تحدث أم أحمد المړيضة
_أنا مش فاهمة منك حاجة ياست انتي اسكتي بقى ماتوجعيش دماغي خليني اتفرج علي المسلسل بمزاج! أكلتي واخدتي علاجك عايزة أيه تاني!!
كانت تحاول الأم فاطمة أن تخبرها بحاجتها لشرب الماء.. ولكن رجاء لم تحاول فهمها هي تأتي إليها مرغمة حتى ترعاها بدلا من أم زوجها التي تتملص من المجيء متعللة بالحجج الكاذبة.. تتضرر من رعاية والدتها التي حملتها وهنا على وهن..!
أما الأم فيأست من أن تفهم عليها رجاء وهدأت وعيناها تزرف دموعا صامتة وتخط سطور الألم بقلبها حزنا على حالها.. هي من كانت ترج الأرض بخطوتها وتتباهى بعافيتها ولم يكسرها حتى ۏفاة زوجها صابر منذ اعوام بعيدة.. وربت أولادها خير تربية! فالأولى فريال لم تكمل تعليمها بعد مرحلة الدبلوم التجاري وتزوجت مبكرا برغبتها.. أما أحمد فصار مدرس ماهر في اللغة العربية.. وهند أخذت ليسانس آداب قسم لغة فرنسية لعشقها لها ولكن تزوجت من عصام زميل الجامعة ولم تعمل بعد زواجها تحقيقا لرغبه..! 
أما سهر التي كانت أكثرهم جمال يلفت الأنظار لم تكمل تعليمها مثل فريال