جوزي جايب ليا عيل بقلم هويدا زغلول

جوزي يوم فرحي لقيته جايب ليا عيل وبيقولي ابنك ربي
الجزء الأول
وقبل ما نبدأ حكايتنا اعرفكم على بطلتنا اسمها عبير عندها 27 سنه لسه مش متجوزة وعايشة مع ابوها وامها وفي يوم قالت لأمها
ماما انا اتعينت في الشركة اللي كنت مقدمة فيها الحمد لله هاروح بكرة استلم الشغل الجديد ده
الام
الف مبروك ياحبيبتي ربنا يوفقك مع اني مكنتش عايزاكي تروحي شغل ولا غيرة بس هاقول ايه بقا انتي اللي مصممة على الشغل

عبير
ياماما انا نفسي اشتغل من زمان وانتي عارفه اني نفسي فيه من يوم ماتخرجت من الجامعة
الام
خلاص بقا اللي تشوفيه اعمليه ياعبير انا وابوكي خلاص ملناش دعوة ومرتبك لنفسك وبس مش عايزين منه حاجة
عبير
يعني هو انا هعمل ايه بمرتبي ياماما يعني ماهو كله ليكم انتي وبابا انا مليش فيه ياحبيبتي
الام
لا لما تقبضي القبض بتاعك ابقي هاتي لك بيه في الجهاز بتاعك وملكيش دعوة بيا انا وابوكي احنا مش عايزين حاجة الحمد لله ابوكي قضى رسالتة معاكي وانتي حره بقا
عبير
ماشي ياست ماما على العموم لما اشتغل بس يبقا يحلها الف حلال ياست الكل
ودخلت اخت عبير الصغيرة سارة وقالت لها
انا مليش دعوة يابيرو انا اول قبض ليكي تجيبي لي هدوم جديدة بدال ما أنا كل شوية اتحايل على بابا ويقولي الدولاب مليان وطبعا عشان مايجبش
عبير
بس كده ياسو من عنيا الاتنين هجيب لك اللي انتي عايزاة طبعا بس ادعي لي كده في الشغلانة الجديدة دي ربنا يوفقني يا سارة وانا هدلعك
سارة
ايوه كده يابيرو هو ده الكلام ولا بلاش ده انا هفضل ادعي لك من هنا لحد يوووم القبض
الام
يابت اتلمي ده بدال ماتدعي لاختك ان ربنا يوفقها في الشغل الجديد ده همك على القبض اعوزو بالله منك يابت انتي
سارة
الله ما أنا هدعي لها كتير ياماما دعا للقبض ودعا ليها ماهي اختي حبيبتي برضو
الام
طيب انا هدخل المطبخ اكمل بقيت الاكل اللي كنت بعمله يلا وانتي يابت ياسارة ادخلي روقي اوضة السفرة لحد لما اخلص الاكل
سارة
ياسلام وهو بقا كده انا اللي كل حاجة هتبقا على دماغي ولا ايه ياست عبير
عبير
خلاص هاروح انا اروق واكنس والقبض بتاعي اخليه ليا بقا انا لوحدي ومجبش منه حاجة لحد لما اقوم اروق
سارة
خلاص خلاص ياست حلويات انا هعمل كل حاجة بنفسي والنبي ما انتي قايمة ولا حاطة ايدك في حاجة ابدا
عبير
ههههه ايوه كده ناس مش بتيجي الا بالعين الحمرا والله
وعدي يوم وراحت عبير الشغل واستلمتة وكان ليها واحد زميل في الشغل اول لما شافها قال لها
اهلا وسهلا بالقمر اللي نور شركتنا
عبير
اهلا بيك هو حضرتك معانا هنا في الشركة ولا ايه
هو
ايوه انا أسمي خالد وبشتغل هنا في الحسابات انتي بقا مين انا عارف انك وجه جديد معانا اصلي اول مره اشوفك
عبير
في الحقيقه ايوه انا عبير ولسه مستلمة الشغل من امبارح بس وحضرتك هنا من زمان
خالد
ايوه انا هنا بقالي حوالي سنة ونص كده بس يعني اعتبر جديد برضو
عبير
اها اتشرفت يا استاذ خالد
خالد
ده الشرف ليا انا يا انسة عبير والله الشركة منورة بيكي اصل انت مشاء الله عليكي زي القمر
عبير
انت بتعاكسني بقا يا استاذ خالد ولا ايه
خالد
والله لو اللي انا بقولة وبعبر بيه عن اعجابي هتسميه معاكسة سمية اصل انا صريح جدا يعني بس مش رخم لحسن تفتكري اني رخم ولا حاجة
عبير
انا مقولتش انك رخم على فكرة بقا واضح انك زوق وبتفهم في الزوق
خالد
انا طول عمري بفهم في الزوق واسألي عني هنا هتلاقيني معروف جدا الحمد لله
عبير
امممم معروف بايه بقا يا استاذ خالد
خالد
انا معروف هنا بخفة الډم والزوق حتى المدير بيقول عليا كده برضو يعني بصي في اي حاجة تلاقيني معاكي انا هنا في الخدمة في اي وقت يا انسه عبير
عبير
طيب ممكن بعد اذنك اشوف الشغل بقا ولا ايه
خالد
طبعا اتفضلي انا هاروح انا كمان اشوف شغلي بس لو احتاجتي اي حاجة انا تحت امرك ماشي
وغمز لها بعينة وسبها ومشي وعبير فضلت تقكر فيه وتقول ايه الراجل الغريب ده حاسه ان هو جرىئ كده انا مالي انا اخليني في شغلي احسن
وفضلت عبير تشتغل وتاني يوم حصل نفس الحوار وخالد بدا يشغلها كل يوم لحد اول شهر لها في الشركة وخالد قال لها
انا عايز اتكلم معاكي ياعبير ممكن نقعد في اي مكان نتكلم سوا انا محتاج اتكلم معاكي
عبير
خير يااستاذ خالد لو في حاجة في الشغل اتفضل قولي على اللي عندك
خالد
ماهي المشكله اني مش عايز اتكلم في الشغل انا عايزك في موضوع شخصي جدا جدا ارجوكي ياعبير انا بجد محتاج اتكلم معاكي لوحدنا
عبير
طيب خلاص انا هخلص الشغل ونروح اي مكان نتكلم فيه ونشوف الموضوع ايه
وفعلا راحو قعدو في كافيه وقال لها
على فكرة انتي من يوم ماجيتي الشركة وانا مش بفكر غير فيكي ياعبير من اول يوم شوفتك فيه وانا اتشديت ليكي جدا
عبير
مش فاهمة تقصد ايه يا استاذ خالد
خالد
ما بلاش استاذ دي ياعبير ما أنا بقولك باسمك عادي جدا ومش بقولك يا استاذة ولا حاجة انتي كمان بلاش استاذ دي خليني اعرف اتكلم الكلمتين بقا واقولهم احسن انا في موقف لا احسد عليه
عبير
انا مش فاهمة حاجة طيب خلاص انا هسكت وانت اتكلم وقولي في ايه مالك عايز تتكلم معايا في ايه
خالد
بصي ياعبير انتي من يوم ماجيتي الشركة وانا واخد بالي منك لقيتك انسانة جميلة ورقيقه وغير كده وكده محترمة وملكيش دعوة بحد في الشغل ودايما شايفه شغلك على أكمل وجه فبصارحة ډخلتي مزاجي جدا وقولت لازم اتقدم واخطبك
عبير باستغراب
تخطبني ازاى احنا لسه بقالنا شهر في الشغل مع بعض يعني انا بقالي شهر بس لحقت تتعلق لدرجة انك عايز تخطبني انا مش عارفه يعني الكلام ده صحيح ولا ايه
خالد
وايه الغريب في كلامي يا عبير انا اول لما شوفتك حبيتك وقلبي مال ليكي ومن اول يوم جيتي فيه الشركة وانا نفسي اتكلم معاكي واعرف عنك كل حاجة ياست البنات انا عايزك ورايدك قولتي ايه
عبير
ياخالد ارجوك انت فاجتني بالموضوع ده بجد ومش عارفه ارد عليك اقول ايه بس انا هفكر وارد عليك
خالد
عبير ارجوكي انا عايز ردك بسرعه انا بجد مش عارف انام الليل عشان بحبك وعايزك انا نفسي تبقي مراتي جدا ونعيش مع بعض انا وانتي انا هسيبك تفكري كده وتردي عليا
وعدت الايام وعبير حكت لاختها سارة وقالت لها
بس غريبة اوي من اول يومين ليكي في الشركة يقوم عايز يتجوزك وهو اصلا مايعرفش عنك حاجة خالص
عبير
بصي يا سارة هو بصراحة انسان شكلة حلو ومحترم انا ماشوفتش منه غير كل خير من يوم مارحت الشركة دي
سارة
ايه ده يعني افهم من كده انه اصلا فيه إعجاب منك انتي كمان صح
عبير
ااا بصي يا سارة منكرش اني انا كمان أعجبت بيه اصل انا كمان من اول يوم شوفته فيه وانا حسيت اني اتشديت ليه وحبيت كل وجوده معايا في الشركة يعني اليوم اللي مش بشوفه فيه كنت بضايق كده
ساره
امممم يبقا هو ده الحب يابيرو وانتي كده وقعتي
في